කෘෂිකර්මාන්තය දියුණු නොකර ග්රාමීය ආර්ථිකය ශක්තිමත් කළ නොහැකි බව ජනාධිපති රනිල් වික්රමසිංහ මහතා පවසනවා.
ඒ, අනුව රජයේ කෘෂි නවීකරණ වැඩසටහන ඇතුළු ග්රාමීය ආර්ථිකය දියුණු කිරීමට රජය ආරම්භ කළ සියලු වැඩසටහන් සාර්ථක කර ගැනීමට බිම් මට්ටමේ රාජ්ය නිලධාරීන්ගේ කැපවීම අත්යාවශ්ය බවයි ජනාධිපතිවරයා අවධාරණය කළේ.
ජනාධිපති රනිල් වික්රමසිංහ මහතා මේ බව සඳහන් කර සිටියේ නව ග්රාම නිලධාරීන් ලෙස බඳවාගත් 2100 කට පත්වීම් ලිපි ප්රදානය වෙනුවෙන් අද අරලියගහ මන්දිරයේ පැවති උත්සවයට එක්වෙමින්.
විභාග දෙපාර්තමේන්තුව විසින් 2023 වසරේ දෙසැම්බර් මස 02 වනදා පවත්වන ලද ග්රාම නිලධාරී විභාගයේ ප්රතිඵල අනුව ප්රාදේශීය ලේකම් කොට්ඨාස මට්ටමින් වැඩිම ලකුණු ලබා ගත් අයැදුම්කරුවන් අතරින් 2100ක් වෙනුවෙන් ග්රාම නිලධාරී පත්වීම් ප්රදානය සිදු කෙරුණා.
අඩු ආදායම් ලාභී ජනතාව නගා සිටුවීමට රජය ආරම්භ කර ඇති අස්වැසුම, උරුමය ඇතුළු වැඩසටහන් පිළිබඳ මෙහිදී නව ග්රාම නිලධාරීන් ජනාධිපතිවරයා විසින් දැනුවත් කළා.
මෙම සියලු වැඩසටහන්වල අරමුණ ග්රාමීය ආර්ථිකය දියුණු කිරීම බවත්, තම ප්රදේශයේ ආර්ථිකය දියුණු කිරීම වෙනුවෙන් එම වැඩසටහන් සමඟ සක්රීයව එක්වන ලෙසත් ජනාධිපති රනිල් වික්රමසිංහ මහතා එහිදී ඉල්ලා සිටියා.
උණුසුම් පුවත්
කෘෂිකර්මාන්තය දියුණු නොකර ග්රාමීය ආර්ථිකය නංවන්න බෑ.. ජනපති කියයි..
- May 8, 2024
- 0 Comments
- Less than a minute
- 2 weeks ago
Leave feedback about this